RSS

Aku dan Tim Nasional Sepakbola

28 Dec

Hasil obrolan dengan bapak ojek langganan yg ketemu saat aku beli bubur ayam gerobak dekat pangkalannya dia pagi ini.

Ada yg menarik yg bisa jadi sbuah renungan dari kata-kata sederhana yang keluar dari mulutnya yg kental dg logat Betawinya.

Bpk ojek langganan (A) :
Neng, nonton bola kaga smalam?

Saya (B) :
Nonton dong, Pak!

(A) :
Kesel kaga Neng kite kalah?

(B) : Kesel sih engga, cuma sedih aja! Tapi kan baru tanding pertama. Sapa tau besok (pertandingan final leg 2 pd 29122010, red) menang! Saya mah tetep dukung tim Indonesia.

(A) : Betul, Neng! Pan, menang kalah ntu biasa. Pan, hidup itu juga begitu! Kaga slalu menang. Apalagi tanding bola!

(B) : tapi kan kalo menang juga bisa buat hati kita bangga, Pak!

(A) : iya, neng! Tenang aje. Jagoan sjati kudu ngerasain kalah juga. Kaga menang mulu.

Sapa tau, besok kite menang! Nyang penting mah kite kudu tetep semangat n usahe, Neng! Pan, dengan kite kalah, kite bisa liat ntu permainan lawan. Plajarin aje! Buat modal kite tanding besok. Bahkan buat modal tanding di piale lainnye, Neng!

(B) : trus Bapak kesel ngga ma suporter Malaysia nyang nyorotin sinar laser ke pemain kita?

(A) : kesel banget, Neng! Kalo gue ade di sampingnya, gue ‘beri’ dah! Mo macem-macem ma gue! Makdikipe ntu suporter!! (Yg dimaksud ‘beri’ itu smacam duel, red).

(B) : jadi Bapak mau balas dendam ga? Yaa..misalnya kalo bpk nonton di Senayan nanti..ngegangguin konsentrasi tim lawan?

(A) : Kaga!! Ngapain juga!!

(B) : kok engga! Ah, bpk ga Nasionalis nih…ga seru ah… (saya sengaja memancing dg komentar yg provokatif kpdnya utk tau knapa ga dendam stlh melihat segitunya suporter Malaysia ngeganggu konsentrasi permainan tim Indonesia, red)

(A) : Pan udeh tugasnye suporter! Pegimane carenye, pan kite berupaye nyemangatin n ngeramein perlombaan! (hihihi…perlombaan..dikate dia sepak bola kaya lomba balap lari, red).

Bukan berarti, gue ngebenarin ulah ntu suporter Malaysia. Liatin aje, ada di depan gue, gue gaplok, dah!

Ye, bisa gue maklumin sih Neng kalo pemain kite keganggu. Kite aje sebel banget ngeliatnye!

Tapi, Neng! Pan, smestinya ntu pemain kite jangan kelamaan keselnye ma ulah ntu suporter lawan. Cuekin aje! Kalo kata orang pinter kaya Neng mah istilahnye kembali fokus dan tetep konsentrasi ye?
Iya, Neng! Kite kudu tetep pokus (fokus, red) dan konsentrasi dlm situasi kaya apapun. Biarpun kurang istirahat skalipun. Pegimane carenye, kite kudu usahain diri kite jangan kebawa emosi. Jangan mudah enstress (stress, red).

wah..kalo kite mau dikuasein enstress kite..emosi kite..pegimane kite bisa berhasil? Ya..contohnya gue, Neng! Kalo mmkirin beban idup..gue mah bisa kaga konsen bawa ni motor! Gue bisa celaka dan penumpang gue celaka! Nah, kalo gue celaka, sapa nyang ngidupin anak bini? Trus, kalo penumpang gue celaka, pasti dah gue kaga dipercaya lagi. Anak bini gue bakal malu. Ini di luar kalo Tuhan dah punye kuase ye! Kalo mo ngasih musibah, mah musibah aje!

Makenye, gue tetep usahain diri gue tetep pokus nyang jadi tanggungjawab gue seberat apapun tekanan di sekitar gue! Karena gue megang amanah, yaitu amanan anak bini n penumpang gue!

Gue tetep usaha yg terbaik slama gue masih punya tenage, Neng!

Pan, stiap perlombaan bukan menang kalehnye, Neng! Tapi, bisa kaga kite semangat lagi dan mau bangkit memperbaiki diri. Kaya gue kalo biarpun dah usaha kaya apapun tapi tetep celaka misalnya, mulai dr kecelakaan di jalan raya nyang bisa membuat gue kaga ngojek lagi! Sedih sih pasti, tp ngapain juga gue sedih nyalahin keadaan mulu. Lebih baik gue mikir, ada kerjaan lain apa kaga? Dan, nyang bisa bangkitin smangat gue itu yaa diri gue sendiri, bukan orang lain. Ya, kali aje emang rejeki gue kaga di ngojek lagi sampe gue hrs celaka. Atau, ya emang resiko ngojek emang itu!

Suporter kaya anak bini gue kan emang tugasnye cuma ngedukung n bikin gue tambah motivasi idup gue. Tapi, sepenuhnye, kembali ke diri kite ndiri, Neng!!

Biarin aje ntu suporter ngegangguin kite! Kite nyang suporter nanti juga ga usah ngebales dg hal yang sama. Bukan berarti kite ngebiarin diri kite mau dicurangi! Tapi, kalo kite berbuat sama, Lalu, ape bedanye kite ma mereka?

Jadi kalo kalah pun, kita tetep punya kehormatan diri. Kata ustad gue, kalah itu kemenangan nyang tertunda. Nyang penting kite tetep usahe!

Kalo udeh usahe, kalo emang tetep kalah, yaa..kali aje emang rejeki kite bukan jadi juara Asia Tenggara, Neng!

Tapi, semua nyang udah dicapai ma tim kite, bisa jadi pembuka jalan rejeki tim sepak bola kite menjadi juare di piala-piala lainnya! Sapa tau jadi juare dunie ye?? Amin

Jadi, kite nyang bisa jd suporter jangan cuma bisa ngedukung saat lagi menang aje! Pan, mereka juga tetep butuh semangat pas lagi kaya gini. Pan, suporter sjati itu siap dukung dlm situasi apapun yg sedang dialami idolanye.

Tapi, Neng! Pan, eneng wartawan! Bisa kaga gue titip salam ke si Nurdin (Nurdin Halid, red). Salam kompak dari gue! Sono pergi jauh-jauh dah dari tim idola gue! Ngurus jual beli tiket aje kaga becus! Apalagi ngurus tim gue!

Trus, gue aje nyang simpatisan Golkar krn gue suka simbolnya puun beringin nyang mirip simbol ketiga dari Garuda Pancasila nyang berarti Persatuan Indonesia..maluu banget ma ulah oknum partai gue!

Eh, Neng! Sepak bola mah mainan smua orang. Bukan punya segolongan orang!

trs..ngapain juga sih ntu stasiun tipi nyang katenye nyang punye pimpinan partai Golkar ngegangguin pemain gue nyang lagi latihan n istirahat dengan diajak ngobrol sebentar. Emang jadi wartawan harus gitu ya, Neng? Bisa gangguin orang seenaknya tanpa ijin dulu? Katenye sih biar dapet liputan eksklusip. Pan..kudunya kaga gitu-gitu amat!

Dah gitu..kata bini gue..si Irpan Bachdim dan Gonjales udah diperlakukan kaya selebritis krn ade di acara gosip mulu. Emang sih..mereka ganteng n main bagus. Anak bini gue aja kesengsem!

Tapi, gue sedih aje! Wartawan jangan cuma ngeliput dua orang itu aje dong! Tim kite kan sebelas orang. Semuanye punya peran masing-masing dan saling mengisi dan membantu. Pastinye, si Gonjales blum tentu bisa ngegolin bola kalo kaga ade nyang ngoperin bola ke die kan? Trs..kalo kaga ada temen yang kerjaannye ngegojek lawan spy lawan ketahan ma kite, mana bise kite ngegolin gawang lawan!

Udah ah..nyang penting..tim kita tetep semangat main n kita tetep ngedukung!!

Kalo kite berani milih burung Garuda sebagai lambang Negara, kata engkong gue ntu artinye kite itu tetep berani mengepakan sayap selebar mungkin untuk tetap terbang tinggi. Garuda itu burung yang tahan banting. Katenye lebih dari elang. Ulet, Neng!

Eh..Neng..maap ye, gue ceramahin. Neng jangan sedih ye tim kite kalah smalam.

Menang atau kalah, kita tetep Indonesia sebuah negara nyang terhormat! Kite beda, Neng! Kite aja tahan banting dijajah 350 tahun…sabar sambil nunggu ksempatan untuk merdeka namun ga berhenti berjuang sampai titik darah penghabisan dg sgala cara merebut dari penjajah…toh..ternyata kesabaran, pokus kite untuk tetep merdeka, dan usahe kite berbuah manis. Kite bise merdeka bermodalkan bambu kuning aje! Kaga dikasih ma penjajah. Emangnya ntu Malaysia??

Maklum, Neng! Engkong gue itu ikut perang Karawang-Bekasi dan Rengasdengklok.

Ga seruu ah..masak sebelas pemain kite mentalnya kaga tahan banting kaya generasinye Engkong-Engkong gue!!!

Eh, Neng! Nanti jadi kaga dianter gue?

–the end conversation–

Hmm…saya yang tadinya mau makan bubur ayam di rumah aja..krn tertarik percakapan n omongan yang keluar dari si Bapak Ojek langgananku memutuskan menandaskan semangkok buryam di situ saja…

Dan…lalu pulang berjalan kaki ke rumah sambil mengingat n menyimak omongan tu Bapak!

Pemikiran nyang sederhana dan apa adenye!

Ayooo…timnas Indonesia…saatnya kembali main baik dan benar, bukan main menang kalah saja.

Tapi…waduh…pegimane yee nyampein salam kompak ntu Bapak ma ntu Nurdin Halid?

Nah..melalui social media ini…Ganti Nurdin Halid dan jauh-jauhlah politisi dari para idola gueeee!!! Enyahlah kalian!!!

 
Leave a comment

Posted by on 2011/12/28 in Tentang Indonesia

 

Tags:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Ailtje Ni Diomasaigh

Ramblings of an Indonesian Woman

Cerita4Musim♡

{ Every once in a while, in an ordinary life, love gives us a fairytale.....}

Cha in Hate 'n Love

Because life is about hate and love

Tio

Just wanna share my experience

%d bloggers like this: